Un piccolo flash di una Napoli che non c'è più !
'O pianino
di Pasquale Cinquegrana
‘O puntone d’ ‘o vico s’è ‘nchiuvato
‘a cchiù ‘e mez’ora 'nu pianino, e sona:
sona ‘na polca, sona ‘na canzona,
e a ssèntere se spassa ‘o vicenato.
Chi sona ten’ ‘a faccia ‘e sfaticato,
e chi canta è ‘na povera guagliona,’
ca fa nu sacco ‘e smorfie, strilla, stona,
e ppo’ venn’ ‘e ccanzone che à cantato.
E mentre attuorno va, da ‘o primmo piano
s’affaccia ‘na signora vicchiarella,
cu ll’uocchie ‘e chianto e ‘o fazzuletto ‘mmano.
E cu nu filo ‘e voce dice a chella:
« Ce sta 'nu muorto !... Jate cchiù luntano ! ».
S’asciutta ll’uocchie e 'nchiude ‘a fenestella.
Nessun commento:
Posta un commento