di Ferdinando Russo
Chesta cca? Nun voglia Dio
vuje nu pizzeco lle date!
Site muorte e sutterrate,
nun putite pazzïà!
Chesta cca? Pare na gatta!
Sempe pronta a zumpà ‘ncuollo!
Nficca ll’ogne dint’’o muollo
e pirciò lassate stà!
Nun vedite che presenza?
Nun vedite che guardate?
So’ guardate o cultellate?
‘A vulisseve ncujetà!
Quanno tene? ..Tridice anne!
A vint’anne siente ‘o bello!
Si lle date nu curtiello,
‘a chianchera sape ffà !!
Nessun commento:
Posta un commento