'A grotta azzurra

‘A grotta azzurra

di Raffaele Viviani

**
Oj marenà!
**
Che pace cca sotto,
che ‘ncanto è stu mare,
pittato me pare:
St’azzurro, ched’è ?
**
Ched’è stu mistero
ca ‘o core ce afferra ?
Che tene sta terra?
Sta luce pecchè ?
**
Na varca ‘e guaglione
se spassa cantanno;
sti suone, sti vvoce
ca veneno e vanno..
**
Nun correre tanto,
p’’a pace ‘e chest’acqua,
chest’anema stracqua
se vo’ arrepusà…
**
Va chiano c’’o rimmo,
cammina... ma a stiento
m’hê ‘a fà stu mumento
na vita… durà!
**
Oj marenà!